商品說明
書粥出版 9786269510504
少少故事：
佢係一本散文集
由台灣嘅一間獨立書店 #書粥 出版
呢本書係佢地出版嘅第一次嘗試
由於係本合集嘅關係(作者多於一人)
佢會首先發行到台灣17間指定嘅獨立書店
同香港嘅 #見山 仲有我地 #書少少
因為入面嘅作者
正正就係呢19間書店嘅店長
全書有28篇文章共200零頁
另外有9篇文章嘅作者
本身都係從事創作有關
佢嘅出世係緣於#書粥 嘅老闆
想喺疫情期間「做番啲嘢」
(詳情載於序及後記)
於是聯絡起各獨立書店問稿
而我同老闆嘅相識係另一個故事
話說經歷完2019之後喺年尾
我產生左一種「想飛」嘅心情，
於是打算辭職去台灣「學習」後
就番黎自己開書店
循住呢個方向第一個搵到嘅目標就係
#書粥 嘅打工換宿
果度可以用做實習店長嘅形式換取住宿
於是開始聯絡
可惜一輪溝通過後香港已經成為疫埠。。
但中間我地一直保持往來
其後 #書粥 老闆知我開左書店
再其後佢有左呢個出版嘅念頭
就係咁
可以參與呢次合作係緣分
無諗過 #書少少 呢個名
連香港都未有咩人知已經可以打入台灣
書名叫 #疫情釀的酒
所集嘅文章都係各間書店長
喺疫情期間嘅抒發
有人寫下自己嘅生活
有人寫下書店點面對
我最鍾意下面呢一句
「在生與死之前，應該問人為何生為何死，數字不會是答案，
只有文學、哲學、美與文化能提供一絲解答，而這正是書店的責任，尤其在這種時期，書店的存在就更重要」
商品評價
目前沒有評價。