商品說明
少少讀後感：
『「電影而已」（it’s only a movie)。抱歉，此說法香港再不適用。』
自己同身邊唔少朋友都會寫下影後感，同樣都算係影評吖，
憑咩家明就可以得到突破青睞幫佢出影評集先，
係呀，揭本書果時我一路係咁諗架
ok，呢度唔評論人地嘅影評啦，通常大眾睇影評都係兩個原因
（憑點都寫左幾年嘅影後感觀察啦），一係想知套戲好唔好睇，
呢個好唔好睇呢個定義都好簡單就係會唔會晒時間；
一係就睇完好想搵到共嗚者，睇下有無人寫中佢睇到嘅嘢，
係呀，大眾對電影嘅追求係咁上下架ja，所以如果咁啱
抱住以上期望睇呢本書咁可能就要失望喇
認真喎，書名咁吖，視聽之餘，改得幾好，言下之意即係咩呀？
睇完戲享受完視聽追程之後要學嘢要諗嘢囉，
可能要學啲電影語言，例如呢個鏡頭用左咩表達方式，
呢個角度用左咩拍攝手法，咁樣用同喺果個時候用
導演係表達緊啲咩又或者要諗電影同生活中身邊啲人嘅關係，
同現實社會嘅關係
ok，如果話本身對電影嘅追求就從來不止於娛樂，咁呢本書就唔好錯過
仲要代呢本書嘅編輯輕輕提下你，黑色封面關係記得包好本書先睇，
唔係就印晒指紋上去架喇
商品評價
目前沒有評價。